Image

Ina

By Joselyn Bisquera

 

Tatlong letra ka aking sinta

Kahulugan kakaiba talaga

Lahat ng babae’y maranasan t’wina

Isang resposibilidad napakadalila talaga

 

Mapagkandiling kamay

Ang iyo ngang  iniaalay

Sa aming iyong mga inakay

Natatanging paggabay sa aming buhay

 

Kaligayaha’y iyong isinantabi

Para sa pangarap na minimithi

Balang araw  sa aking paglaki

Ikaw nga’y may ipagmamalaki

 

Ako’y iyong ganap na pinalaya

Baon ang iyong gintong paalala

Humarap sa hamon ng buhay

Upang ako’y maging isang matagumpay

 

Sayo aking tunay na iniaalay

Ang aking pagtatagumpay

Salamat sa Diyos sa kanyang paggabay

At sa iyo Inay aking pag ibig  na walang kapantay