Image

PASKO SA PINAS

 

Mga ngiti sa kanilang labi

Nag gagandahang palamuti.

Matitingkad na ilaw sa tahanan

Makukulay na parol sa lansangan..

Hudyat ng kapaskuhan sa bayang sinilangan.

 

Ang pasko sa Pinas ay talagang inaabangan.

Ang selebrasyon dito ay halos isang buwan

Pinaghahandaan at pinagsasaluhan

Panahon kung kailan lahat ay may katahimikan.

 

Mga kababayan natin saan mang lupalop ng mundo

Nagbibigayan ng aginaldo

Mga regalong nagpapabuklod ng samahan

Nagpapatibay ng pamilyang kinagisnan.

 

May misa de gallo talaga namang lahat kinukumpleto

Matutupad daw ang mga kahilingan sa pasko

Kaya lahat ay nagsasakripisyo para makadalo

At kakain ng bibingka at puto bumbong bago humayo.

 

Mahirap man o mayaman ay tiyak may handa sa mesa

Pagsasaluhan ano mang naihanda.

Magpapasalamat sa makapangyarihang Mesiyas.

Dahil muling naisilang at tutupad sa propeta ng pagliligtas.

Salamat sa pasko tayong lahat ay nagkakasundo

Pagmamahal at pagpapatawad ang tunay na diwa nito.

Sana ito ay ating isa-puso.

 

๐Ÿ“•๐Ÿ–‹๏ธanna09

 

Poems by Other Authors

Other Poems by anna9_villegas4353