Gin Serio

"HONGKONG"

Bansang napakaliit pero napakayaman

Batas walang kinikilingan,

Bansang diko man pinangarap pero aking napuntahan.

Sariling Bansa at pamilya ko'y aking iniwanan

katulad ng iba sa aking mga kababayan,

Ako'y nangarap din magtrabaho kumita nang marangal.

Subalit paglipas ng mga araw samo't saring problema at kasiyahan ang aking naranasan,

Pangako sa sarili ako'y di magtatagal

ako'y uuwi na pangungulila'y di makayanan.

Ngunit sa di maipaliwanag na kadahilanan

maraming pagsubok ang humadlang,

ako'y dito na tumanda at inabot ng dekada

sa mga banyagang amo'y nag-aalaga.

Nag-iisang Bansang diko makakalimutan

bukod tangi kong kasama mga kaibigan,

masayang malungkot buhay nga naman

pero ito ang Bansa na saki'y napamahal.