BAYBAYIN

By iamJerick.04 on 8th Dec 2020

Pangyaos
Pinoy Life Fan Club
Horizons: home for talented migrant workers in Hong Kong
 Image

Tagbanwa, Hanuno'o at Buhid

Kilala parin ba natin o wala nang nakakabatid?

Paraan ng kasulatan ng ating mga ninuno

Sa paglipas ng panahon,hindi na makita ng matino

 

Sa kaalamanan ko ito'y bahagi ng pinag-aralan

Sa taon ng pagdadalubhasa ay nalaman iyang pagkakilanlan

Importanteng mga detalye noon ay inaruga

Ngunit ngayo'y bakit tila mas gusto ang mga banyaga

 

Hindi na maibabalik ang dating panahon

Mga akda ng kayamanan pilit inaahon

Bawat titik o letrang dumadampi sa papel

Naging mabusisi, nilathala maging sa kartel

 

O aking kultura sana ay nandiyan ka pa

Kabataan sa ngayon sa iba nagkakandarapa

Simulan natin muli, tukuyin at buhayin

Ang ugat ng ating pinagyayamang baybayin.