Nais kong mag-iwan ng munting aral
Maging inspirasyon at kapulutan ng aral
Sa buhay natin, kailangan ang sipag at tiyaga
Huwag umasa sa iba at palaging gumawa.
Magsulat at huwag susuko
Husgahan man ay huwag patatalo
Sa akin ka tumingin at maniwala
Hindi ako tumigil, ngayon ay may gantimpala.
Isang daang Tula at higit pa
Aking pinag-isipan at nilikha
Lahat ay aking sinubukan
Wala akong pagsubok na inaatrasan
Inaral at isipan ay nilawakan.
Huwag titigil sa pagsusulat
Tulungan ang sarili, mga mata ay imulat
Linangin lalo ang angking galing
Samahan ng Sipag at Tiyaga, palaging baunin.
Huwag mahihiya, magpatuloy sa nais
Masarap makita ang bunga ng 'yong pawis
Ikaw lamang ang makakapag pasiya
At nakaka alam ng 'yong mga ikakasaya.
Ako ang gawin mong buhay na halimbawa.
Panulat ni: Annaliza V. Aquino
📕🖋️Anna09
12-07-2020
Horizons Senior Poet