Ang tunay na kagandahan ay nasa panloob na katauhan
Wala sa panlabas na kaanyuan
Pero itong aking kaibigan
Sa loob at sa labas ay may angking kagandahan.
Siya ay aking kaklase noong sekondarya
Pero hanggang ngayon ay kaibigan kong dakila
Pinagpala ng Poong Maykapal dahil may buhay na masaya
Payapa at tahimik, sa bansang Dubai siya ay nakatira.
Kasama ang mabait na asawa, sana pati anak ay mabigyan na sila ng biyaya.
Siya ay si MARIA NIÑA...kaibigan kong maganda.
Hanggang ngayon ay hindi nagbabago ang itsura at postura
Hindi din nagsasawa sa pagtulong sa kapwa lalo na sa mga kamag-anak niya
Mahilig magtanim at magluto, busog ang sino mang bisita nito
Siya ay nag eekspiremento ng iba't ibang luto,buti na lang at puro masasarap ang kinalalabasan nito.
Panalangin ko sana ay huwag kang magbabago
Kababaang loob at kabutihang taglay mo
Siyang tunay na nagdadala ng tagumpay sa iyo
Kaibigan, mag-ingat palagi at sana ay magkita pa tayo.
Sa mga susunod na araw, iyan ang kahilingan ko.
Panulat ni: Annaliza V. Aquino
🗒🖊anna09
10-25-2020
Horizons senior poet