Nang makilala ko siya noon akala ko ay isang bata
Nakakatuwa kasi ang pangalan niyang Tata
Hindi naglaon ay nakilala ko siya nang tunay
Mga adhikain niya at mga pangarap sa buhay.
Isa siyang inang dapat pamarisan
Masiyahing tao, positibo ang pananaw at isipan
Isang kaibigang maaasahan, lalo na kung pagandahan ang usapan
Abah! Listo siya may dala-dalang bag at agad kang kikilayan!
Ang aming CHARRY ROSE ay tuluyan nang nagniningning
Isang bituing nalinang na at gumaling ng gumaling
Ngayon ay nakakahanga na ang kaniyang mga sulatin
Nakakabighaning talaga ang angkin niyang sining.
Nagpapasalamat ako sa poong Maykapal
Ikaw ay nakilala ko, talaga namang may magandang asal
Palaging nakangiti at biglaan na lang sumasayaw sa isang tabi.
Huwag kang mabibigla at talentado talaga siyang babae.
Oh aking Tata, patuloy na magniningning ang iyong tala
Sa Amang nasa itaas ikaw ay manalig at magtiwala
Hindi ka niya pababayaan sa tuwina
Isasama kita sa aking panalangin at buhay mo sana ay palaging maginhawa.
Alalahanin mong palagi kang mayro'ng isang ate Anna!
Panulat: Annaliza V. Aquino
🗒🖊anna09
Horizons Senior poet
10-23-2020