Ito ang araw ng pasasalamat
Dahil natapos ko ang isang araw na magiging isang alamat
Binaon ko lahat ng inyong pagmamahal at ako'y inyong binuhat
Tumatak sa puso ko daig pa ang isang agimat.
Salamat ay salitang hindi sasapat
Sa lahat ng panalangin ninyo at sa mga tula na sa akin ay sumambulat
Paglalarawan ng aking katauhan
Naisip kong ako pala ay may puwang sa mga puso niyo, lubos na kayo ay aking pinapasalamatan.
Sana ay nasambit ko ang lahat ng salitang naglalarawan sa ating tahanan
Sana ay naiparating ko ang mensaheng nararapat para sa ating karangalan
Sana ay naturan ko lahat ng nais niyong sabihin para sa ating adhikain
Sana ay dumami pa ang maging kapamilya natin at makapagbigay inspirasyon sa mga kapwa natin.
Huwag sanang magbago ang ating dedikasyon
Lumawak pa lalo ang ating sirkulasyon
Manatili sana sa puso natin ang respeto
Dahil ito ang nagdala sa atin ng tunay na ginto.
Salamat sa Diyos, ating Amang makapangyarihan
Ako ay talagang kaniyang ginabayan
Salamat sa Horizons, natagpuan ko ang bahay na puno ng pagmamahalan
Salamat sa inyo aking mga kapatid at kaibigan
Salamat sa ating ina, kailanman hindi niya tayo pinabayaan
Muli, mabuhay ang mga taga Horizons!
Pasasalamat mula sa inyong abang lingkod: Annaliza V. Aquino
10-19-2020
🗒🖊anna09
📷 captured by kabsat Ailenemae