Linyang aking mapatutunayan

Sa pagkakataong ito aking nararanasan

Bawat araw na nagdaraan

Ako ay talagang kinakabahan.

Malapit nang sumapit ang araw ng linggo

Kung saan lalabas ako sa isang entablado

Ito man ay online na sunod sa uso

Ako pa din ay kabado ng todo.

Kaya ako ay naghahandang talaga

Praktis doon, praktis dito ang aking ginagawa

Ang aking mga anak at asawa ay natatawa na nga

Dahil kahit sa palengke ako ay nagsasalitang mag-isa

Sana ay magbunga ng maganda ang aking pagtiya-tiyaga.

Salamat sa pagkakataong ibinigay

Maipakita ang totoong ako, bawal ang maging matamlay

Sa araw na iyon dapat ay maghatid ng kasayahan

Sa lahat ng manonood para tatatak sa kanilang isipan

Sana ito ay aking mapagtagumpayan

Oh!, Amang makapangyarihan ako po ay inyong tulungan.

Panulat: Annaliza V. Aquino

🗒🖊anna09

10-14-2020