Pinapakilala ko sa inyo si Lala, alagang aso ni Yana.
Sa Belgium sila ay nakatira
Pero sila ngayon ay magkahiwalay ng bahay at minsan na lamang magkita
Gayunpaman sinusulit nila bawat oras nilang magkasama.
Si lala ay inaalagaan ni lolo at lola
Matakaw sa manok, parang asong gala
Isang asong mapalad dahil mahal siyang talaga.
Pinapaliguan at katabing matulog sa malambot na kama.
Siya ang dakilang bantay sa bahay
Kung silang lahat ay papasok sa trabaho siya ay matiyagang nagbabantay
Kapag may taong parating agad na tatahol kahit sa kapitbahay
Siya ay maaasahang tunay.
Si Lala ay regalo kay Yana
Para may alagaan at may kalaro siya
Marunong makinig at nakakaintinding talaga
Masunuring aso, daig pa ang tao.
Isang araw siya nagkasakit
Ayaw kumain, matamlay at umiiyak ng may impit
Dinala sa doktor at agad tinurukan sa may puwit
Kinabukasan, magaling na siya at naglalaro na ulit.
Salamat naman at kami ay nag-alala kay Lalang makulit.
Mahal naming alaga, Lala ang pangalan niya.
Inaantay na niya ako para makasama
Huwag kang mag-alala dadalhan kita ng pasalubong
Paborito mong manok,tiyak ikaw'y gugulong gulong.
Panulat: Annaliza V. Aquino
🗒🖊anna09
10-10-2020