Marahil ay nagtataka ka kung bakit siya tinawag na bayong na mahiwaga
Dahil ito ay gawa ng may pagmamahal at alaga
Pinagpuyatan, pinintahan at ginawang napakahalaga
Para sa araw araw mo'y madala.
Pahalagahan mo ang bayong na ito
Dahil ito'y bahagi ng kulturang Pilipino
Hinimay, binuo at dinesenyuhan ng husto
Angkop at bagay sa makabagong mundo.
Ang bayong ay kasama na sa kasaysayan natin
Pero ito ay mahiwaga sapagkat ito'y nananalamin
Ng kulturang mayaman na pinagtibay pa natin
Nilinang at pinaganda sa husay ng ating angking galing.
Mabuhay ang bawat Pilipino
Na nagmamahal sa sining at kultura nito
Bahagi kayo ng kasaysayan ng bayan
Ipagmalaki mo ito at palaging ingatan.