Sana

By roni.lacs on 6th Jul 2020

Pangyaos
BONGBONG MARCOS UNITED HK CHAPTER
Pinoy Life Fan Club
Sharifa and Derby Fitness
 Image
 Image
 Image
 Image
 Image

SANA

ni Ron R. Lacson

 

Natatandaan mo pa ba ang isa at lahat

Nang tayo’y masaya sa pagpitas ng gumamela

Natatandaan mo pa ba ang punong duhat

Ang mga sinegwelas na may langgam na pula

Sana ay maalala mo pa

Sana’y nakaraan ay bumalik pa

 

Hawak kamay tayong tumatawid sa ilog

Pagdating sa pampang ay uupo sa bato

Habang binubuksan ang baon nating itlog

Sabay kwentuhan ng tungkol sa multo

Sana ay nasa isip mo pa

Sana’y damdamin ay bumalik pa

 

Sa larong syato, tayo lagi ang magkakampi

Maging sa patintero, tayo’y magkasangga

Minsan sa iyong pisngi, labi ko’y dumampi

Dala ko sa panaginip at sa lahat ng paghiga

Sana ay napapangarap mo pa

Sana’y saya ay bumalik pa

 

Inukit ko ang puso natin sa punong bayabas

Nagdulot ng ngiti sa iyong mapula mong  labi

Namasdan pakpak ng ibon na pumapagaspas

Saksi ang mga ulap sa musmos na pagtangi

Sana ay natatanaw mo pa

Sana’y yakap ay bumalik pa

 

Sana ay may pag-ibig pa

Sana’y ikaw ay bumalik pa

 

Sana

Sana

Poems by Other Authors

Other Poems by roni.lacs