Image
 Image
 Image
 Image

MABUTI

ni Ron R. Lacson

 

Namili

 

Nagpunta ako minsan kay Mang Akong

Isang mabait na Tsinoy na  Magtatahong

‘Pabili nga po ako ng dalawang kilo

May dala na po akong isang plastic na supot

Dito po nyo ilagay nang aking masilo’

Sabi kong may ngiti, sya nama’y nakasimangot

 

Nagpasalamat

 

Nagtakal, nagsukat na itong si Mang Akong

Ng mga berdeng tahong na lagi niyang kalong

Iniamba ko ang supot upang kanyan sidlan

Nang bigla siyang nagsabi ‘MUKHA KANG MABUTI’ 

Aba’y ako’y natuwa,  porma ko’y natingnan

Nagpasalamat ako, dahil mukha akong mabuti

 

Nagtaka

 

Inulit, nikakas at binigkas muli ni Mang Akong

Ang sinabi niya, pero noo nya ay nagkulay talong

‘Mukha kang mabuti’, ang bigkas niyang pasigaw

Ang tugon ko’y ‘Salamat muli’ na merong pagtataka

Bakit siya paulit-ulit , at para siyang humihiyaw

Lumaki pati mga mata niya, tulad sa isang palaka

 

Nainis

 

‘Mukha kang mabuti sabi eh’ ay naku Mang Akong

‘Oo na, oo na, wala kang tigil, para kang gulong'

Naiinis na ako, siya man ay parang asar na rin

Nang dumaan si Ate, at siya’y aking kinaway

Siya naman ay huminto, siya man ay nakapansin

Na tila kami ay nagtatalo, o isa sa amin ay pasaway

 

Nalinawan

 

‘Mukha ka mabuti’ bigkas uli ni Mang Akong

Ayan Ate, kita mo, makulit siyang parang talilong

‘Kuya, siya’y may pakiusap, di mo siya na gets, duh

Tungkol sa supot mo, ang kanyang sambit ay:

BUKA KANG MABUTI, para mailagay ang tinda

Supot mo, Ibuka mong mabuti, o sige Kuya, bye

 

Napahiya

 

Tapos na ang tula.

Other Poems by roni.lacs