Akala'y masaya ang mangibang-bayan
'Di lubos naisip walang kamalayan
Anupa't pumasok aking pinuntahan
Walang pakiwari ang kahihinatnan
Nangulila, iyak sa umpisa ng buwan
Ikalawa'y uwi akin ding tinuran
Ikatatlong buwan medyo ayos naman
Yinakap, yinapos aking kapalaran
Minsan ding nalihis sa maling landasin
Nalugmok sa bisyo at maling Gawain
Sa pangungulila aking naranasan
'Yun ba ang solusyon at ang kasagutan
Datapwa't namulat sa 'king kamalayan
Bumalik replika sa 'king katauhan
Simple ng babae ngunit lumalaban
Dating balat-kayo huwag pamarisan
Dalamhati't sakit na nararamdaman
Hirap man tanggapin ang katotohanan
Walang magagawa buhay ay lumaban
Para sa pamilya at kinabukasan
Sambit ko'y dalangin ito'y pinakinggan
Luwalhating buhay kanyang tinuldukan
Lubos na salamat aking
Panginoon Puso'y pagharian magpakailanman
🙏🙏🙏 ✍️✍️✍️
Juvy Labrador aka @ Yvuj nonalab
Horizons International Week 4
Theme:Mental Health